IZZAT Ki Potli

A poem written some time ago :) 

pardon my idiosyncrasies!!

IZZAT ki Potli  

Ye duniya ajab nirali bandhu

Ye duniya gajab nirali

Saas aur bahu yahan lad lad ke mar gayi

Mitron ka prem bhi hai shan bhar me toota

Mishra ji Tiwari ji ke promotion pe jal bhun liye

Na jaane kitne garib us baniye ki udhari me nap liye

Hume ishq tha unse bahut

Par na wo kabhi aage badhe; na hum kuch keh sake

Logon ki parvah me, chup chap apna gam sahte rahe

Netaji aaye, paon pakad ke vote lapak ke nikal liye

Desh mera kaumi chitaon me jalta raha;

kabhi Hindustan me to kabhi Pakistan me

insaaniyat ka janaza bakhoobi nikalta raha

Na hindu rahe, na musalman; are bina mandir ke hai shri ram!

Na rahi wo bade babu ki kursi, dhare reh gaye sab kaam

Mirza, dinkar na nirala rahe, ab to yo yo honey singh ko pranam

Jab mud ke dekha narak se dharti pe; hum the chakit

Kuch na mila, na samjha, reh gayi thi to bas ek cheez

IZZAT Ki Potli!

Mulk mera jalta raha, par wo nadaan insan

Apni IZZAT Ki Potli uthaye, sunsaan rahon pe

Bin matlab ke chalta raha…..

Nagendra Singh